تستيقظ،، تمسك بكوبها الصباحي..
تفتح اللاب ،، تعبث بشعرها كعادتها حين تشرد في قراءة الشاشة،
"لابد أن أتعلم الخط العربي ، كم أعشقه !"
تفتح اللاب ،، تعبث بشعرها كعادتها حين تشرد في قراءة الشاشة،
"لابد أن أتعلم الخط العربي ، كم أعشقه !"
تقلب الصفحات ، بعيداَ عن لوحات الخط العربي..
" ما شاء الله ، هل سأصل إلى هذا المستوى يوماً ؟"
" ما شاء الله ، هل سأصل إلى هذا المستوى يوماً ؟"
تبتسم سعيدة لصديقتها ، مؤنبة لنفسها..
"لا بد أن أتعلم الاسعافات الأولية ، إنها اساسية في كل بيت ! "
تشرد ، تنشط لديها صفة القلق..
"لا بد أن أتعلم الاسعافات الأولية ، إنها اساسية في كل بيت ! "
تشرد ، تنشط لديها صفة القلق..
" إلى الآن لم أتعلم شيئاَ ذي فائدة ، هل نسيت ؟"
تؤنب نفسها كعادتها
" لا تنسِ ،، عش كل يوم كأنه أول وآخر يوم !"
تذكر نفسها ،، برد الكوب ، تشربه على جرعة واحدة وتغلق الشاشة ..
وتدور الدائرة.. وتدور معها دارية وغير دارية !
" لا تنسِ ،، عش كل يوم كأنه أول وآخر يوم !"
تذكر نفسها ،، برد الكوب ، تشربه على جرعة واحدة وتغلق الشاشة ..
وتدور الدائرة.. وتدور معها دارية وغير دارية !
Facebook Comments
8 تعليقاتكم ^_^:
عارفة إن الالتزام بحملة التدوين اليومي ده أكبر دليل على إنك قادرة تكسري الدائرة؟ هتكسريها
بحييكي :)
انا إلى الآن مش عارفة أصدق إزاي قدرت افضل ملتزمة بالحملة كده :)
ولكِ التحية أيضاً ^_^ منورة :)
كلنا عايزين نتعلم حاجات كتير
لكن احيانا كسلنا بيحبسنا جوة الدايرة !!
اتمني نقدر نحطمها في يوم من الايام
بوست جميل يا هبة
حاجة عاوز أكتبها بقالي فترة ...
الدايرة هتتكسر كدا كدا عاجلاً أو آجلاً ... بس إحنا اللي بنحدد إزاي و إمتى تتكسر عشان متتكسرش في الوقت غير المناسب أو تكون متأخرها عن ميعادها كتير!
الثقة بالنفس، الإرادة، القدرة على تحمل المسئولية، التعامل مع الضغط والمشاكل والأزمات بأكبر مكسب وأقل خسائر -ﻹن ديماً في خسائر!- كل ده حضرتك هتعرفيه لما تخرجي من الحيز الضيق الحالي في نظاق العائلة وتواجهي الحياة الحقيقية!
بس زي ما قولت، المهم هو "إمتى؟" المهم يكون إمتى ده في الوقت المناسب مش متأخر، لإن في حاجات كتير بتعتمد عليه، حياة تانية أو بالأحرى شريحة/جزء/مستوى تاني من الحياة!
و برده كل واحد هو اللي بيحدد "إمتى"! أنا مثلاً ممكن أقعد مع أصحابي الهاي كلاس في النادي، بس لازم أقعد مع الناس اللي بتقعد على النواصي! ممكن وأنا مسافر أركب السوبرجيت بس برده لازم أركب القطر لإني هشوف وأتعامل مع ناس فيه ناس عمري ما هلاقيهم في السوبرجيت!
في حاجات كتير لازم الواحد يجربها عشان الحياة فيها ما يكفي من أشكال وألوان البشر والشرور! لازم يجربها حتى لو هو عارف تماماً إنه هيخرج من التجربة دي واخد على قفاه، بس هيكون واثق تماماً إن المرة الجاية ده مش هيحصل ... بس الفرق ساعتها إن المرة تانية ممكن تكون مصيرية ومترتب عليها حاجات "مهمة" كتير.
أنا حاسس إن الكلام تعدى مضمون التدوينة بس هو في الأول والآخر كان هيكتب في مكان ما : )
هبه انتى جاهدى في الحمله دى اكتر مننا كلنا تخطتى مرحله صعبه بجد:)
يعنى كلنا جات علينا ايام توقفنا تمامآ حتى عن اى شئ يظهر مما هو واضح ان مزاج المدونين كلهم متقلب الفتره دى :)
بالنسبه للبوست الواحد ممكن يرغي فيه كتير
بس اهم شئ انا بنظر كتير لمصطلحات اللغه العربيه الفصحى وببقي نفسي اوى اتعلم لغتنا احنا صح
وكل يوم باجل حفظ الورد اللي عليا من القرآن وبقت حاجه تخنق وبقفل جهازى واشغل نفسي :)
تحياتى ليكى ياجميله :)
@ريمو
اكساكتلي ،، كسل شنيع مريع :(
انتِ أجمل
@ أحمد م. أبو زيد
أولا حمد الله ع السلامة يا فندم :)
ثانيا اهو الـ "امتى" ده انا بأجله ع طول ، غصبن عني ، مش كسل ع قد ما هو خوف وان كنت دارية انه غلط وانه كده كده هواجهه ،، فاني أواجهه برغبتي افضل من اني اواجهه غصبن عني
ع فكرة الكلام ما خرجش بره التدوينة ،، بل فادني جدا :)
@رونا
انا كنت محتاجة الحملة دي جدا ع فكرة ،، كنت عاوزة اهتم بالمدونة اكتر واهي الحملة ساعدتني كتير وانتو ساعدتوني اكتر بردودكم المشجعة :)
بالنسبة للفصحى ،، الموضوع مش صعب لو بتقري كتييير ، بس كتب بالفصحى طبعا :D حاولي تكسري الدايرة بانك تتحدي نفسك او تحطيلها حافز ، انا بحاول لكده بجد، بس العائق مش بس ف الكسل بل ف خوفي م المراحل اللي بعدها
وتحياتي لكِ أيضا ^_^
جميله
بس اعتقد ان طبيعتنا البشريه
نخشى كسر الدايره
من عادتنا البشرية .. دايما نفكر "بكرة هعمل حاجة جديدة" و لكن بتدور الدائرة و فى نفس اللحظة فى اليوم التالى بنقول نفس الكلام ..
الا فى حالات , بنكسر فيها الدائرة فعلا
إرسال تعليق