اعذروني المرة دي هكتب بالعامية،،
قد ايه الواحد بيحس بتفاهته وتفاهة مشكلاته،، لما يشوف ويحاول يتخيل احساس اب وأم للي ماتو في بورسعيد ،،
قد ايه الواحد بيحس بتفاهته وتفاهة مشكلاته،، لما يشوف ويحاول يتخيل احساس اب وأم للي ماتو في بورسعيد ،،
يمكن احساسهم افزع بكتير من احساس اب وام للي ماتو في احداث محمد محمود مثلا او جمعة الغضب او موقعة الجمل او او او،،
احساس انك تستنى ابنك يرجع م الماتش ،، تلاقيه رجع بس في تابوت !
الموت مبقلهوش جلال ياجدع
بقى زيه ..زى البرد
زى الصداع
صلاح جاهين
-بتصرف-
لما تحس ان الموت بقى هيِّن أوي،، الدم بقى رخيص ..
يمكن اللي بيلقي الأوامر ما يحسش بفداحة اللي عمله لإنه سبب غير مباشر ،، طب شعور اللي بينفذها ايه ؟! شعوره وهو بيقتل انسان .. والروح تطلع معاها الاحلام والذكريات والآمال اللي كانت جواه ،،
" ده لو استنتجنا ان الموضوع مُدبر "
وبعدين ينزلق بيك التفكير ،، لإن قد إيه حاجات بسيطة بتسبب حاجات كبيرة !
هو ليه أثر الشر أسهل من أثر الخير ؟ ليه الاسود بيطبع اكتر من الابيض !
عشان الابيض يبقى عزيز أوي أوي .. بس فيه ناس بترضى بالرمادي ، بترضى بأنصاف الحلول !
لولا أنصاف الحلول ما كناش وصلنا للحالة دي ..
وبعدين ينزلق مرة أخرى ،، فتهمهم "بكره اللي بيزيطوا في الزيطة !"
مرة أخرى تفكر ،، ماذا أستطيع أن أفعل ؟
البناء اصعب بكثير من الهدم ،، ويحتاج الكثير من الافعال .. ناهيك عن محاولات الهدم لما تحاول بنائه بالفعل !
ناهيك عن الذين يجلسون قائلين " مفيش فايدة " تلك الجملة المحسوبة على سعد زغلول الذي اجزم انه يتقلب في قبره من كثر ما تُقال عن جهل !
والآخرين " خربتوا البلد كفاية كده "
ينزلق التفكير مجدداً ،، فتلعن التعميم ! مفكراً في هؤلاء المتحاملين على الشعب البورسعيدي !
ثم تهدئ نفسك مذكراً بأن الله له حكمة من كل ما يجري ،،
بسم الله الرحمن الرحيم
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّـهُ يَعْلَمُ وَأَنتُمْ لَا تَعْلَمُونَ ﴿٢١٦﴾ سورة البقرة
وتلك المقولة التي تستزيد بها دوماً " إن أشد لحظات الليل إظلاماً أقربها للفجر" وان كنت لا تعرف قائلها
وتعود مجدداً للتفكير ،، لابد أن أفعل شيئاً ،، لابد .. ماذا أفعل؟!
تلك الأفكار التي لا تبدو مترابطة ، ومترابطة في نفس ذلك الحين !
